Álagning opinberra gjalda á einstaklinga og þá sem stunda atvinnurekstur í eigin nafni fyrir árið 2010 liggur nú fyrir.

Utanríkisráðherra, Össur Skarphéðinsson, heldur í dag til Brussel þar sem hann tekur á morgun þátt í ríkjaráðstefnu Íslands og Evrópusambandsins, sem markar upphaf aðildarviðræðna Íslands við sambandið.

Félags- og tryggingamálaráðherra hefur skipað Runólf Ágústsson, lögfræðing, í nýtt embætti umboðsmanns skuldara sem tekur til starfa 1. ágúst næstkomandi.

Tryggt hefur verið að sjúkraflugvél verður staðsett í Vestmannaeyjum um verslunarmannahelgina. Heilbrigðisráðherra fól nýlega Sjúkratryggingum Íslands að semja við Mýflug hf. um þetta, en kostnaðarauki vegna þessa er 725 þúsund krónur.

Umferðaarráð minnir ökumenn og ferðamenn á að sýna varkárni og aðgæslu nú þegar umferðarþungar ferðahelgar eru framundan. Reynslan hafi sýnt að þessi árstími sé oft erfiður í umferðinni.

Til umsagnar eru nú hjá samgöngu- og sveitarstjórnarráðuneytinu drög að endurskoðaðri reglugerð um flutning á hættulegum farmi. Þeir sem óska geta sent umsagnir sínar á netfangið postur@sam.stjr.is fram til miðvikudags 11. ágúst næstkomandi.

Kristján L. Möller, samgöngu- og sveitarstjórnarráðherra, hefur ákveðið að framlengja skipunartíma fjárhaldsstjórnar Sveitarfélagsins Álftaness til 1. nóvember næstkomandi. Upphaflegur skipunartími hennar var til 1. ágúst.

Þessi úthlutun nú kemur þó ekki til með að auka áður leyfðan heildarafla í þorski og ýsu á yfirstandandi fiskveiðiári.

Drög að breytingu á reglugerð um stærð og þyngd ökutækja nr. 155/2007 er nú til umsagnar. Þeir sem þess óska geta sent umsagnir sínar á netfangið postur@sam.stjr.is til 5. ágúst næstkomandi.

Landeyjahöfn var tekin í notkun í gær þegar Herjólfur sigldi fyrstu ferðina frá Heimaey til Landeyjahafnar með gesti og fjölda Eyjamanna í blíðskaparveðri. Þá var nokkur mannfjöldi saman kominn við höfnina til fagna komu skipsins sem var fánum skreytt. Herjólfur hóf síðan siglingar samkvæmt áætlun í morgun.

Mennta- og menningarmálaráðuneyti hefur að tillögu tónlistarráðs úthlutað styrkjum úr tónlistarsjóði fyrir síðari helming þessa árs.

Uppgjör ríkisreiknings fyrir árið 2009 er nú lokið. Ríkisreikningur er innan markmiðssetningar hins opinbera í fjármálum og var afkoma ríkissjóðs 34 milljörðum betri en áætlanir gerðu ráð fyrir.

Herjólfur sigldi undir miðnætti í gærkvöld í Landeyjahöfn til prófunar áður en reglulegar áætlunarsiglingar hefjast milli hafnarinnar og Heimaeyjar næstkomandi miðvikudag. Skipsflautan var þeytt þegar siglt var um hafnarmynnið. 

Drög að reglugerð um breytingu á reglugerð um ökuskírteini nr. 501/1997 eru nú til umsagnar á vef samgöngu- og sveitarstjórnarráðuneytisins. Unnt er að senda ráðuneytinu athugasemdir til 23. júlí nk.  

Svandís Svavarsdóttir umhverfisráðherra hefur skipað nefnd til að skoða lagalega stöðu villtra spendýra og fugla á Íslandi og leggja fram tillögur um úrbætur á lögum um vernd, friðun og veiðar á villtum fuglum og villtum spendýrum.

Í skýrslu Rannsóknarnefndar umferðarslysa (RNU) fyrir árið 2009 kemur fram að nokkru færri banaslys urðu árin 2004 til 2009 eða 20 á móti 26 á árunum 1998 til 2003. Ölvunarakstur var orsök þriggja banaslysa árið 2009, hraðakstur tvisvar og veikindi aðalorsök í tveimur slysum.

Starfsemi embættis umboðsmanns skuldara hefst 1. ágúst næstkomandi. Frestur til að sækja um embættið rann út 12. júlí.

Áherslur stjórnvalda til sjálfbærrar þróunar árin 2010 til 2013 voru samþykktar á fundi ríkisstjórnarinnar í gær að tillögu Svandísar Svavarsdóttur umhverfisráðherra. Áherslurnar byggja á stefnumörkun Íslands um sjálfbæra þróun sem ber yfirskriftina Velferð til framtíðar og var fyrst samþykkt í ríkisstjórn árið 2002.

Félags- og tryggingamálaráðherra hefur skipað í kærunefnd húsamála og úrskurðarnefnd félagsþjónustu og húsnæðismála. Nefndirnar urðu til þegar fimm úrskurðar- og kærunefndir voru sameinaðar í tvær.

Hönnunarteymið SPITAL varð hlutskarpast í samkeppni um byggingu nýs Landspítala og húsnæðis fyrir heilbrigðisvísindasvið Háskóla Íslands. Tilkynnt var um þetta við athöfn á Háskólatorgi 9. júlí síðastliðinn.

Að beiðni fjármálaráðherra hefur Alþjóða gjaldeyrissjóðurinn (AGS) látið vinna skýrslu um íslenska skattakerfið.

Úrslit hönnunarsamkeppni um nýtt hjúkrunarheimili í Fjarðabyggð voru kynnt á Eskifirði í dag. Þetta er fyrsta heimilið sem er hannað frá grunni samkvæmt nýjum viðmiðum um skipulag hjúkrunarheimila og markar því tímamót. Einrúm arkitektar hlutu fyrstu verðlaun en alls bárust 36 tillögur.

Össur Skarphéðinsson utanríkisráðherra átti í morgun fund með János Martonyi, utanríkisráðherra Ungverjalands og Pal Schmitt, forseta þings landsins og nýkjörnum forseta.

Framkvæmdastjórn Evrópusambandsins hefur ákveðið að hefja endurskoðun á tilskipun um mat á umhverfisáhrifum og veitir öllum tækifæri á að koma á framfæri athugasemdum og ábendingum. Íslensk löggjöf á þessu sviði er byggð á tilskipuninni.

Kynning dómnefndar á niðurstöðum í hönnunarsamkeppni um byggingu nýs Landspítala og húsnæðis fyrir heilbrigðisvísindasvið Háskóla Íslands fer fram á morgun, föstudaginn 9. júlí.

Markaðsátakið Inspired by Iceland í samvinnu ferðaþjónustufyrirtækja, ríkisins og Reykjavíkurborgar er komið vel áleiðis.

Svandís Svavarsdóttir umhverfisráðherra hefur sett af stað vinnu til að bregðast við rannsóknum Náttúrufræðistofnunar Íslands sem sýna fram á að skothögl finnast í fimmta hverjum erni og fjórða hverjum fálka sem fundist hafa dauðir hér á landi.

Þingmenn Evrópuþingsins lýsa yfir stuðningi við þá ákvörðun Evrópusambandsins að hefja aðildarviðræður við Ísland í ályktun sem samþykkt var á þinginu í dag.

Greiðsluuppgjör ríkissjóðs fyrir fyrstu fimm mánuði ársins 2010 liggur nú fyrir. Samkvæmt uppgjörinu er handbært fé frá rekstri neikvætt um 32,9 ma.kr. sem er 7 ma.kr. betri staða en á síðasta ári.

Í dag, 7. júlí verður formlega hrundið af stað hvatningarátaki  sem stjórnvöld, í samvinnu við aðila vinnumarkaðarins, efna til í sumar.

Hvatningarátak stjórnvalda, í samvinnu við aðila vinnumarkaðarins, um atvinnuskapandi
framkvæmdir hrundið af stað.

Verðlaunaafhending vegna hönnunarsamkeppni um hjúkrunarheimili í Fjarðabyggð fer fram föstudaginn 9. júlí. Samkeppnistillögurnar verða til sýnis í Fjarðabyggð dagana 12. - 23. júlí og í Reykjavík seinni hluta ágústmánaðar.

Össur Skarphéðinsson utanríkisráðherra átti í dag fundi með utanríkisráðherra Króatíu, Gordan Jandrokovic, og forseta landsins, Ivo Josipovic, í Zagreb þar sem utanríkisráðherra er í opinberri heimsókn.

Sveitarfélög munu um næstu áramót taka við ábyrgð og þjónustu við fatlaða þegar verkefnið verður flutt frá ríkinu. Samkomulag þessa efnis var undirritað í forsætisráðuneytinu í gær með fulltrúum ríkisstjórnarinnar og Sambands íslenskra sveitarfélaga.

Ríki og sveitarfélög hafa samið um fjárhagslegar forsendur fyrir flutningi málefna fatlaðra til sveitarfélaganna. Þetta er viðamesta endurskipulagning á verkaskiptingu ríkis og sveitarfélaga frá flutningi grunnskólanna árið 1996. Tekjustofnar sem nema 10,7 milljörðum króna flytjast til sveitarfélaganna á næsta ári samhliða yfirfærslu málaflokksins.

Í sumarbyrjun var haldin fjölsótt ráðstefna um votlendi sem nefndist Endurheimt votlendis - hvar þarf til? Ráðstefnan var haldin á Landbúnaðarháskóla Íslands á Hvanneyri og fluttu þar erindi fjölmargir sérfræðingar og áhugamenn um vernd og endurheimt votlendis. Hér á síðunni er nú að finna glærukynningar fyrirlesara.

Álfheiður Ingadóttir heilbrigðisráðherra heimsótti í liðinni viku Vestmannaeyjar. Þar kynnti ráðherra sér m.a. starfsemi Heilbrigðisstofnunar Vestmannaeyja.

Vegna umfjöllunar um stefnu Vodafone á hendur fjarskiptasjóði vegna samnings um háhraðanettengingar í dreifbýli á Íslandi vill fjarskiptasjóður taka eftirfarandi fram:

Össur Skarphéðinsson utanríkisráðherra heldur í dag til Króatíu og Ungverjalands í opinbera heimsókn. Hann mun eiga viðræður við æðstu ráðamenn beggja ríkja auk þess sem hann kynnir sér verkefni sem íslensk fyrirtæki standa að í báðum löndum

Yfirstjórn ESA, Eftirlitsstofnunar EFTA, hefur samþykkt undanþágur fyrir Ísland frá nokkrum ákvæðum reglna um aksturs- og hvíldartíma atvinnubílstjóra í farmflutningum. Undanþágurnar gilda tímabundið frá 30. október 2010 til 15. apríl 2011.

Teikn eru á lofti um að hækkun yfirborðs sjávar og súrnun hafsins vegna loftslagsbreytinga verði meira vandamál en áður var talið. Þetta er niðurstaða nýrrar skýrslu sem unnin var fyrir Norrænu ráðherranefndina. Íslendingur er einn af fjórum höfundum hennar.

Sex nýir loftferðasamningar voru áritaðir fyrir Íslands hönd á ráðstefnu Alþjóðaflugmála-stofnunarinnar um loftferðasamninga, ICAN 2010. Samningarnir sex eru við Armeníu, Barbados, Brasilíu, Chile, Jamaíku og Kólumbíu. Jafnframt var undirrituð viljayfirlýsing um gerð loftferðasamnings við Panama

Svandís Svavarsdóttir umhverfisráðherra opnaði Surtseyjarstofu í Vestmannaeyjum nýverið. Surtseyjarstofa er gestastofa fyrir friðlandið Surtsey og þar er meðal annars að finna fróðleik um friðlandið og heimsminjasvæðið Surtsey.

Vegna greinar Kára Kárasonar, formanns öryggisnefndar Félags íslenskra atvinnuflugmanna, í Morgunblaðinu 2. júlí, vill samgöngu- og sveitarstjórnarráðuneytið taka eftirfarandi fram:

Samninganefnd íslenskra stjórnvalda hefur í gær og í dag fundað með fulltrúum breskra og hollenskra stjórnvalda í Reykjavík um lyktir Icesave málsins.

30 tillögur að samhæfðum aðgerðum gegn einelti í skólum og á vinnustöðum eru settar fram í skýrslu starfshóps sem þrjú ráðuneyti, þar á meðal heilbrigðisráðuneytið, skipuðu í fyrra.

Hulda Gunnlaugsdóttir forstjóri Landspítala hefur sagt starfi sínu lausu. Forstjóri spítalans er skipaður af heilbrigðisráðherra, samkvæmt lögum um heilbrigðisþjónustu, og verður starfið auglýst fljótlega.

Tónleikarnir ,,Iceland inspires”, sem halda átti í dag, fimmtudaginn 1. Júlí, að Hamragörðum undir Eyjafjöllum............

Össur Skarphéðinsson utanríkisráðherra heldur í dag til Þórshafnar, þar sem hann mun eiga fund með Jørgen Niclasen, utanríkisráðherra Færeyja á morgun, 1. júlí.  Um er að ræða fund Hoyvíkurráðsins, sem sett var á stofn með Hoyvíkursamningnum,

Rekstur heilbrigðiskerfisins og stefnumörkun næstu ára var rædd á fundi sem á þriðja tug forystufólks aðildarfélaga Bandalags háskólamanna (BHM) átti í gær með Álfheiði Ingadóttur heilbrigðisráðherra.

Ríkisstjórnin virðir sjálfstæði Seðlabankans og Fjármálaeftirlitsins og ber fullt traust til þessara stofnana við að sinna lögbundnu hlutverki sínu.

Umhverfisráðuneytið hefur sett sér samgöngustefnu sem stuðlar að því að starfsfólk ráðuneytisins noti vistvænan ferðamáta í vinnu og til og frá vinnustað. Nú þegar ferðast um fimmtungur starfsfólks ráðuneytisins til og frá vinnu á vistvænan hátt.

Laga þarf íslenska heilbrigðiskerfið að breyttri samfélagsgerð og lífsháttum í landinu, að því er fram kom í máli Álfheiðar Ingadóttur heilbrigðisráðherra á ráðstefnunni Heilbrigðiskerfið 2015, sem haldin var á dögunum.

Fundur Evrópusamtaka flugmannafélaga, European Cockpit Association (ECA), er haldinn í Reykjavík í dag og í gær og ræða fulltrúar flugmannafélaganna meðal annars ýmsar hliðar öryggismála og áhrif öskufalls á flug. Nærri 80 manns sitja fundinn.

Heilsugæsla höfuðborgarsvæðisins hefur afturkallað að hluta fyrirhugaða lokun síðdegisvakta sem gilda átti á heilsugæslustöðvum frá miðjum júní og fram í miðjan ágúst. Þegar hefur verið opnað aftur fyrir síðdegisvaktir á fjórum stöðvum og sú fimmta bætist við í vikunni.

Flugakademía Keilis heldur í haust ráðstefnu í samvinnu við ýmsa innlenda og erlenda aðila, meðal annars samgöngu- og sveitarstjórnarráðuneytið, þar sem fjalla á um eldgosið í Eyjafjallajökli og áhrif öskufalls á flugrekstur. Til ráðstefnunnar hefur verið boðið vísindamönnum, forráðamönnum í flugrekstri og fulltrúum opinberra aðila.

Félags- og tryggingamálaráðherra hefur undirbúið tillögu til þingsályktunar um framkvæmdaáætlun í jafnréttismálum til ársins 2014. Tillagan er nú birt til umsagnar á vef ráðuneytisins.

Alþingi samþykkti nýverið breytingar á lögum um erfðabreyttar lífverur sem kveða meðal annars á um aukinn aðgang almennings að upplýsingum og aukinn rétt til að gera athugasemdir vegna umsókna um ræktun og notkun erfðabreyttra lífvera.

Á fundi Katrínar Júlíusdóttur iðnaðarráðherra með ráðamönnum í Shaanxi-héraði í Kína......

Katrín Júlíusdóttir iðnaðarráðherra fundaði með Zhang Yaocang, varaforseta kínverska olíurisans SINOPEC Group í ferð sinni til Kína nú í júní.

Ísland er vel búið undir að hefja aftur fjöldabólusetningu gegn svínainflúensu komi til þess að ný bylgja ríði yfir á komandi misserum, að því er fram kemur í upplýsingum frá sóttvarnalækni.

Katrín Júlíusdóttir iðnaðarráðherra hefur staðfest tillögur Orkuráðs um styrki úr Orkusjóði til rannsóknar- og kynningarverkefna fyrir árið 2010.

Starfshópur samgöngu- og sveitarstjórnarráðherra um heildarendurskoðun á regluverki Jöfnunarsjóðs sveitarfélaga leggur til að regluverki sjóðsins verði breytt í tveimur áföngum. Fyrst verði tekið upp nýtt kerfi útgjaldajöfnunar og síðan gerð grundvallarbreyting á jöfnunarkerfinu.

Stjórnvöld í Japan hafa ákveðið að bjóða nokkrum íslenskum ungmennum í tíu daga (tíu nætur og ellefu daga) kynnisferð til Japans í nóvember 2010.

Svandís Svavarsdóttir umhverfisráðherra opnaði í gær Snæfellsstofu á Skriðuklaustri, nýja gestastofu fyrir austursvæði Vatnajökulsþjóðgarðs. Snæfellsstofa mun hýsa upplýsinga- og þjónustumiðstöð fyrir ferðafólk, minjagripaverslun, sýningar og skrifstofur.

Norðurlöndin hafa áhuga á að vinna saman að því að fyrirbyggja langvinna sjúkdóma og bjóða mjög sérhæfðar meðferðir fyrir fámenna sjúklingahópa, að því er fram kemur í tilkynningu norrænna heilbrigðis- og félagsmálaráðherra, sem funduðu í Álaborg í Danmörku dagana 21-22. júní. Með samvinnu sé hægt að nýta betur sérfræðiþekkingu og tækni.

Útstreymi gróðurhúsalofttegunda hér á landi jókst um 8% milli áranna 2007 og 2008 og hefur aukist um 43% frá 1990. Frá 1990, sem er grunnár Kýótó-bókunarinnar, hefur útstreymi aukist mest frá áliðnaði, eða um 169%, og vegasamgöngum um 63%.